الشك والغيرة يا عم شكشك
كل يوم نسمع حاجات بتعملها الرجالة وعجب بجد1- جوزي لما بنام والمخدة في حضني يزعق
2- جوزي لما بتغطي ببطانيته القديمة بيزعق اصل واحد صاحبه كان نايم ومتغطي بيها قبل كده
3- جوزي لما بيرجع من الشغل بيجري جري ويشوف الستارة مفتوحة ولا مقفولة
4- دوزوا (اللي هو جوزوا يعني) لما بيرجع بيدور ي التليفون ويشوف كلمت مين وبيدور وراي علي النت والأيميل
5- ...
6- ....
7- ....
8- ...
9- ...
10- ....
11- ....
12- تقريبا انا لوقعدت اكتب جوزوا كتير مش هنخلص
طيب والحل يا اسمعين بيه هنفضل كده هنعمل أيه؟؟الغيرة احساس طبيعي لابد منه وهو دليل علي الحب
ماشي يا عم اسمعين طيب وبعدين وبعدين دلوقت هنعمل أيه؟؟
طباع الرجل في غالب الأمر تكون نتيجة ما حوله.. وطريقة تعامله مع زوجته بيغلب عليه طبيعة تعامل المقربيين حواليه مع زوجاتهم ...يعني باباه بيعامل ماماته ازاي..؟؟ امه كانت بتتعامل معه ومع اخواته البنات ازاي؟؟ صحبه انتيمه بيعامل مراته ازاي؟؟ الرجالة معاه في الشغل بيتعاملوا ازاي مع زوجاتهم؟؟
الرجل في غالب حياته الإ من رحم الله لايقرأ ولا يعشق القراءة في العلاقات الزوجية ... يعني يقرأ في الأدب.. يقرأ في مجال عمله لكن أن يقرأالست بتحب أيه وبتكره أيه او كيفية التعامل معها ازاي؟؟ لأ طبعا مش فاضي يا شباب
والحل يا عمي اسمعيين
الحل منك انت يا ست انك لازم تعلمي ابنك ازاي يكون جنتل مان (وليس جركن مان)
وكيف يتعامل مع اخواته البنات.. دي عشان التنشئة الصحيحة مستقبلا ويكون هناك جيل صالح لبكره
طيب نيجي بقي للحل لينا كزوجات في التوقيت الحالي
جوزك مطلع عينك بالغيرة والشك القاتل
هم ليهم كذا نسخة في الأسئلة هقولك علي الأجابات هتكون ازاي معاهم لما يسألك جوزك
1- كلميني عن حياتك اللي فاتك ولا عرفت مين قبلي؟؟ شوفي هيحلفلك علي الميه تجمد انه بيحبك وانه صريح معاك وانك لازم تكوني انت كمان زيه وان دي من الصدق والصراحة بين الزوجيين المخلصيين
ولا تسمعي له.. كما تقول بنت الملمع "يا مأمنة للرجال يا مأمنه للقرود في السنغال" علي رأي عضوة معنا في المنتدي شربات
ردك يا دئرومة أيه؟؟
اسمعني يا بني الحلال وقوليها كده وكلك شموخ وكبرياء هيخرق السقف بتاع الأوضة اللي انتم قاعديين فيها.. ماما قالتلي بنت الناس المتربية متبصش لرجل غير جوزها وتحفظ قلبها له ..انت لما دخلت البيت شفتك الرجل اللي ملي عيني..ومعرفش غيرك..ومهم تسأل صدقني مفيش حد غيرك..وقومي بص جو عنيه بخبث كده وببراءة الذئب من دم بن يعقوب وقولي هو انا فيه رجل في الدنيا يملي عيني غيرك يا قلبي
ليست هناك تعليقات:
إرسال تعليق