فرحكوا قرب يبقى لازم تعرفى شويه النصايح دى هتفيدك اوى
انا شخصيا عملت بيها ونفعتنى فى حياتى . لو هتسكنى فى بيت عيله او فى بيت منفصل لوحدك شوفى يا قمر.
شوفى انا مش هقولك اعملى ايه معجوزكالنهارده هيبقى بأذن الله موضوع تانى انا هكلمك عن التعامل مع اهل جوزك
اولااوعى تلبسى لبس مكشوف ادام اهل جوزك حماتك سلفتك اخت جوزك كبيرك بجامه بنص كوم ديما يبقى جمب باب الشقه اسدالك فى حاله انك لابسه حاجه مكشوف فيها جسمك حتى لو برمودا متخليش جسمك رخيص امامهم
ثانيااوعىتأمنى حد فيهم على سرك ابدا بالذات سلفتك حتى لو انت شيفها ملاك
ثالثااوعى مهما حصل فى بيت ابوكى من مشاكل وتكونى مضيقه اوعى تحكيها لثلاثى المرح ابدا والمقصود بيه حماتك واخته وسلفتك لان الزمن هيلف يلف وهيعيروكى بكلام ده تانى ديما تكبرى فى اهلك حتى لو هما وحشين بس متزودهاش اوى ولو انت فى بيت العائله وحد من اهلك جابلك اى حاجه زى فاكهه اوحلويات لازم تدوقيهم منها وتقوللهم ان اهلك جيبنها يعنى طبق حلو كده لحماتك ولو الحاجه الا جايلك كتير يبقى لازم تدوقى سلافاتك منها
رابعاغرفه نومك شىء خاص جدا لا يقترب منه احد ديما الغرفه دى ومن غير محد ياخد باله وبطريقه مش ظهره متبقاش زى بقيت الشقه يعنى حتى لو يوم تعبانه وهما جاين يزوركى بلاش تقبليهم فيها عشان بيقى مثلا على الشماعه قمصان نومك وكده بمعنى ان ممكن تدخل عليكى واحده من الثلاثى وانت بتنضفيها او بطبقى هدومك اوحتى بتتفرجى على التليفزيون فيها وتقوللها وتبقى مضطره تدخليها عشان تقعد معاكى جوه عشان تخلصى اوعى تعملى كده اخرجى وقابليها فى الصاله بس اوعى تزعلى حد منك كل ده بطريقه شيك
خامسالازم من اول يوم تعملى حدود معاهم فى كل تصرفاتك اتعملى معاهم وكأنهم ضيوف وبردوا من غير متزعلى حد منك وبشياكه
سادسااوعى تخليهم يمسكوا عليكى غلطه ديما بيتك نضيف لسانك حلو مبتسمه جدعه فى اى موقف صاحبه واجب لما تروحى لحد فيهم تقعدى بكل احترام متسأليش على حاجه شوفتيها مثلا جبتها واحده فيهم ديما مهتمه بمظهرك امامهم متقوليش لوحده فيهم عندك البيروت الا فى اضيق الحدود ميعرفوش هى بتيجى امته وبتخلص امته او تحكى عن اى عيب فى جسمك او موقف محرج حصلك زمان او اى مرض لسمح الله تعانى منه زمان او دلوقتى
سابعاعلاقتك باهل جوزك الرجاله الا هما اخواته ازواج اخوات البنات وحماكى التعامل معهم بيكون بحرص شديد وبأدب شديد وصوت منخفض وبلاش الضحك الكتير امامهم والتعليق على كلامهم والهزار معاهم بالذات ازواج اخواته البنات اعتبريهم اغراب عنك لاكبر درجه يعنى المعامله معاهم بحساب شديد اما حماكى اتوصى بيه لدرجه كبيره جدا واهتمى بيه وحولى تقربى منه بس بحدود وادب
ثامناالاقارب من ناحيه زوجك يعنى عمته خالته الخ ديما تعمليهم بشكل كويس وتسالى عليهم كل فتره وتحسى زوجك على زيارتهم وانت معه
تاسعااصحاب زوجك حيطه بالحديد بينك وبينهم بمعنى مش عشان هو مصاحب واحد يبقى انت لازم تصحبى مراته مفيش عزومات نهائيا فى البيت او حتى الزياره صحبك يبقى برا البيت مش يجيب صحبه ويسهروا وصحبه يبقى عارف تفاصيل شقتك لا ده عاوز يدخل الحمام لا ده عاوز يصلى الكلام ده غلط كبير جدا وبيحصل منه مشاكل كتير اوى ممنوع دخول اصحابه البيت وده يبقى اتفاق
عاشرااوعى تدخلى فى مشاكل بين حماتك وسلفاتك وتقوفى مع واحده ضد واحده اوعى تروحى تقولى لحماتك دى سلفتى بتقول عليك كذا وكذا او العكس اوعى تقولىلجوزككلمه سلفتك قالتها على اهله اوعى حتى لو واحده فيهم اتكلمت معاكى عن التانيه اسمعى منها بس اوعى يعنى لو هى مضيقه وبتشتكى ريحها وهديها واشكرلها فى التانيه وقوليها والله دى ديما بتجيب سيرتك بالخير يعنى خودى ومتديش وفى نهايه كلامى يا بنات اوعدك انك لو حولتى تعملى بكلامى والله حياتك هتبقى كويسه جدا ومش معنى كلامى انك تعملى اهل جوزك بطريقه وحشه اعرفى انهم اهلك واهل اولادك وافتحى قلبك ليهم بالحب ولو طلعوا ناس مش كويسه اعملى الا عليكى وسبيها لله ومتنسيش حاجه مهمه اوى ديما امى تقولهالى متنسيش ان حماتك هى السبب فى وجود زوجك على الدنيا بمشيئه من الله اتعملى معها بالمعروف بس بحدود زى مقولتلكاما اخواته البنات ديما ويصه عليهم وحسيه على زيارتهم والاهتمام بيهم وديما توقفى معاهم فى اى موقف وتعلمى ولادك على زيارتهم والاهتمام بيهم تذكرى دائما ازاى تحبى اخوكى يعملكوربنا يسعدك ويصلح حالك وتعيشى فى بيتك سكنه ومكنا على راى جدتى هههههههههههه
ليست هناك تعليقات:
إرسال تعليق