الموضوع ده ترجمة مني لبعض ايميلات كنت باستلمها من موقع عن اصلاح العلاقة الزوجية وانقاذ الزواجوده باختصار اول ايميل وصلني منه ولو لقيت تشجيع وتقييم منكم
هاتحمس اني اترجم لكم باقي الايميلات علشان تعرفي باقي الاسرار السبعه لانقاذ زواجك
الموضوع ده هيساعدك تتعرفي علي خطوات لاصلاح زواجك وانقاذه من الفشل.......فلنبدأ
1- انسي مشاكلك تماما:
متفتكريش انك لما تتعلمي اساليب حل المشكلات ووسائل الاتصال او معرفة الفروق الشخصية بين الجنسين هو اللي هيساعدك علي انقاذ وانعاش زواجك لان العلاقة الزوجية موضوع شخصي جدا .. والدليل في قصة mort fertel نفسه وهو كاتب في سيكلوجية العلاقات الشخصية وانقاذ الزواج
والقصة دي عن حياته الشخصيه
بدأت قصتي انا وزوجتي بحب كبير, ياما سهرنا نكلم بعض في التليفون ونفكر ازاي نفاجئ بعض بهدايا , ونتبادل سوا كلماتنا الرقيقة ولكن حصل شئ ممكن يحطم أي زواج
رزقنا بولد مات بعد اسبوع من ولادته . وبعده كمان رزقنا ببنتين توأم ماتوا هم كمان بعد فترة صغيرة
وبسرعة استسلمت زوجتي للاكتئاب وانغمست انا في شغلي اكتر وبعدنا عاطفيا عن بعض... ازاي ده حصل وايه هي الخطوات مش عارف بالظبط بس هو ده اللي حصل (فقدنا بعض)
بعد ما فقدنا أبناءنا التلاته بدأ كل شئ يتغير
بعد الكلام بالساعات اصبح الكلام لدقائق معدودة كأداء للواجب . وكلماتنا الرقيقة اصبحت تبادل شتائم اصبحت علاقتنا الزوجية عبارة عن حلقات شتائم وتعاملات صامته
ولكن في اعماق قلوبنا ...زيكم كلكم .. عارفين اننا مش عاوزين نخسر بعض.. علشان كده اتقفنا اننا ننقذ زواجنا .. اوقات انا احاول وزوجتي مش بتحاول واحيانا العكس ... كل واحد حاول بطريقة مختلفه..
استخدمنا طرق كتيرة منها مثلا الاعتذار او اني اعيد الكلام اللي هي قالته لي علي مسامعها علشان اوضح لها اللي فهمته منها واعرف قصدها هي قرأت هي عن الرجال وانا قرأت عن النساء خضعنا للعلاج النفسي مع بعض
والنتيجة اننا فشلنا تماما
لان كل الوسائل كانت بتشجعنا اننا نناقش مشاكلنا وكل اللي وصلنا له هو مزيد من الصراخ والخناق
لذلك قررنا نطور طريقة حل مشاكلنا
قررنا اننا منتكلمش عن مشاكلنا تاني أبداً وحولنا كل طاقتنا لنتواصل مع بعض اكتر استخدمنا اساليب غيرت زواجنا والاكتر من كده اننا حبينا بعض تاني واسسسنا مع بعض عادات جديدة منحتنا طاقة ايجابية في زواجنا
اكتشفنا ان مناقشة مشاكلنا بتسرق الوقت مننا وبتستهلك كل طاقتنا
وان محاولة حل المشكلة هو اللي هيدمر زواجنا ومش هنوصل للحل المناسب
وعرفنا ان مفتاح السعاده مش اننا نصلح الاخطاء ولكن اننا نعمل مع بعض اشياء جديدة صحيحه.
وزي ما قلتلكم باقي الاسرار موجودة في الايميلات التانية
شجعوني بردودكم واني اكمل
ليست هناك تعليقات:
إرسال تعليق