ازيكم يا بنات عاملين ايهانا قلت اما اعمل حمله كده يمكن تنفع العرايس العسلات الجداد و القدام اللى زى حالاتى
اولا : انتى بتنزلى الشارع تلاقى المزة لابسه الاستريتش و البادى الهاف ستوماك و الصندل ابو كعب 5 متر و الشعر السايح على ضهرها و ريحة البرفيوم واصله لاخر الشارع
و ياعينى جوزك طول النهار فى الشارع و شايف
و يرجع البيت يلاقى مراته لابسه الجلابية و الشبشب ابو صباع و ربطه شعرها كحكة و مشمره كمامها و يا سلااااااااااااااااااام على الريحه
بصل و توم و كشرى و اللى قلبك يحبه
بجد حاجه مستفزة اوى
و عنده حق الراجل يبص و يتفرج على اللى مش بيشوفه غير فى الشارع
و نرجع نعيط و نقول بيبص بره يا جدعااااااااااااااااااااان
تعالو نبتدى سوااولا الحمله اسمها لا للجلبية و الترنج و الشبشب ابو صباع و الكحكه كمان
هههههههههههههيعنى العرايس اللى لسه متجوزوش مش لازم تشترو الحاجات دى
و احنا اللى متجوزين هنبدأ منشتريش تانى
و ان كان و لا بد يبقى ترنج او اتنين و جلابيه واحده بسسسسسسس ده من رأيى
امال هنلبس ايه ان شاء الله؟؟؟
اصبرى بس على رزقكاولا بدل ما تروحى تجيبى الترنج القطيفه ابو 200 جنيه عشان تتمخترى بيه فى البيت طول النهار
روحى اشترى بنطلون شيك قطن او جينز او اللى يريحك و يكون مظبوط عليكى و هاتى عليه سويت شيرت شيك عليه و هتلاقيهم ارخص من الترنج
و شوفى بقا انتى هتجيبى كام ترنج هاتى بدالهم بناطيل و بديهات و بدلى و شكلى على زوقك
و فى الصيف بدل البيجامه اللى هتجبيها للبيتهاتى شورت او برمودا جينز او قماش او قطن حتى و عليه بدى كت او نص كم
و لو مش بتحبى الشورتات يبقى تونيك نص كم طويل و شكرا
و بدل ما تشترى الجلابيه بتاعة خالتى بهيه ب 100 جنيه
اشتريلك جيبه شيك و عليها بدى او حاجه شيك عليها
او هاتى تونيك طويل شيك و تحتيه استريتش
و بدل ما تلبسى الشبشب ابو صباع
هاتيلك شبشب بيت برده بس يكون شيك و لونه جميل و يا سلام لو واحد بكعب تلبسيه و انى فاضيه فى البيت
و فى الشتا يبقى الشبشب الفرو النظيف بلاش الشراب المخروم ابوس ايدك
و بلييييييييييز بلاش الكحكهو خليه ديل حصان و قصه او تسيبيه
طبعا دا كله طول النهار
نيجى بقا لوقت النوم
يا اما هتلبسى قمصان قطن شيك او بيجامات قطن و عسوله او بيجامات ستان او لانجرى او شورت قطن
مش هتصدقونى لو قلتلكم ان لبس البيت اللى احنا بنجيبه نلبسه فى البيت زى الترنجات و البيجامات هنا فى اوربا ده لبس نوم بسسسسسسسسسس
استحاله يقعدو بيه فى البيت بالنهار
بيقومو من النوم يفطرو و يغيرو هدومهم بلبس شيك حتى لو قاعدين فى البيت
ليست هناك تعليقات:
إرسال تعليق