سؤال لو قدرت تجاوب عليه يبقى أنت فعلا بطل لأنه فى قمة الأحباط
طبعا مواجهه المشاكل هى الطريق الأول و الأخير فى حل المصايب إلى دايما بنشوفها , و بما أن ربنا كان كرمنا بثورة 25 يناير و للأسف محدش من الثوار تولى منصب الحكم فى مصر و أتجهه هذا المنصب للمجلس الأعلى للقوات المسلحه
و من هنا توقفت الأنجازات فى يوم 11 فبراير لهذه الثورة
و أنا أقصد الأنجازات و ليست التفاهات
ومحدش يقولى (((مـــتـــســـتــــعـــجـــلـــش))) لأن الكلمة دى الشعب نسى فيها نفسه من أيام محمد نجيب و عبد الناصر و السادات و مبارك لحد طنطاوى
لأن كلمة متستعجلش دى كلمة أبناء مبارك و حتى لو مكانوش أبناء مبارك لكن الروتين نفسه أثر عليهم , من النهايه تقدر تقول عايزين يجيبوا للثوار أحباط
لــكــن ((( الثورة مستمرة ))) و أن كانت على مبارك أو المجلس العسكرى أو الرئيس الذى لم نعرفه حتى الأن أو على أى فصيل سياسى سوف يعركل مسيرة تقدم الثورة حتى تحقيق مطالب الميدان فقـــــط و ليس الأخوان أو المجلس أو غيرهم
لكل ثورة (أسباب - أحداث - نتائج)
الأسباب لم أتحدث عنها لأنى كشخص واحد مقدرش أقول الأسباب دى عايزة ملايين الأشخاص عشان تتحدث عنها
الأحداث طبعا مدونه بالكامل من الكتاب و الشعب المصرى
النتائج .............
أزاى فى يوم من الأيام يكون عندك عشم أن الثورة دى تتدرس فى المناهج التعليميه من غير نتائج ؟
هيتقال للطلاب أية عن النتائج؟ مدبحه بورسعيد ولا مجلس الوزراء ولا ماسبيرو ولا ظباط الشرطة إلى أخدوا براءة و شغالين فى أماكن تانيه ولا محاكمة مبارك ولا نزول الجيش يقتل و يعرى الشعب و لا الشيخ الشهيد عماد عفت إلى أتقال عليه فى الأخر بلطجى و كان بيلبس قميص مشجر مع الشيخ مظهر شاهين عشان بنات التليفزيون !!! أنا عن نفسى توقعت أنه على أسوء الظروف أنه يتقال على الرموز المحترمة دى أشخاص عاديه لكن مجاش فى خيالى أبدا توصل الوقاحه إلى سب الشهيد عماد عفت و الشيخ مظهر شاهين
و مع العلم أن الشخص إلى شتم الشهيد عماد عفت نفس الشخص إلى كان بيقدم بلاغات فى 6 أبريل
و دا بيأكدلى أن 6 أبريل من أنضف الحركات فى مصر , وركز كدة الأشخاص إلى بتهاجم 6 أبريل , هل أنت زى الناس دى ولا زى الناس دى ؟
واحد هييجى يقولى لو مكانتش الثورة دى حصلت مكنتش أنت تتكلم فى السياسة و تتكلم براحتك , مين قالك أن أنا بتكلم بسبب الثورة ؟ و حتى و أن كان فيه أشخاص أتكلمت بسبب الثورة و جالها نوع من الجراءة فقط فى الحديث هل دة مش حق مكفول للأشخاص؟
ليست هناك تعليقات:
إرسال تعليق